C'est folie se bouger quand on est bien!

Langt síðan síðast!

Wed, 31 Jan 2007 18:41:46 GMT

Ég er enn á lífi.......Eins og alltaf er nóg að gera í skólanum og vinnunni. Skólinn er byrjaður af fullum krafti og verkefnin hlaðast upp. Verst er að einn kennarinn ákvað að vera svo sniðugur að hafa 10% verkefni í hverri viku og þar að auki eru þetta allt hópverkefni.... Þannig að það er nóg að gera í því og ekki mikill tími í önnur verkefni. En ég verð víst að skipuleggja mig og fara að vinna í þessu.... En það góða er að ég fer bara í eitt próf í vor :) Annars er ekki mikið að gerast hjá okkur....... Bara vinna og læra og meiri vinna.... Manu hefur líka nóg að gera þar sem hann er byrjaður á íslenskunámskeiði.... Svo núna verða allir að tala bara íslensku við hann;) Kveð í bili... Tinna

Afmælisbarn dagsins í dag :)

Mon, 18 Dec 2006 12:39:12 GMT

Í dag á hann Manu minn afmæli :) Og þetta er meira að segja stórafmæli :D

Buon compleanno :)

En það sem er ekki eins gott við daginn er að ég er orðin veik :S og fjölskyldan á leiðinni hingað í kvöld í veislu...... Ekki alveg nógu sniðugt...

En allavega ætla bara að hoppa upp í rúm og láta mér batna, læt mig dreyma um að það verði í kvöld!!! Veit þó að ég er frekar mikið bjartsýn með það!

Kv. Tinna

AFMÆLISBARN DAGSINS :D

Sun, 10 Dec 2006 12:19:58 GMT

Er hún Edda mín :) Til hamingju með daginn elsku Edda mín :) Vona að afmælisdagurinn verði frábær og að þið Ísleifur skemmtið ykkur vel :) Við Manu hlökkum svo til að sjá ykkur um jólin :D :D :D

Þessi helgi er búin að fara í prófalestur, þar sem fyrsta prófið er á morgun:S Það er reyndar ágætt, því það þýðir að þá styttist í jólafrí :D Ég ætla nú samt að taka mér frí frá lestrinum seinnipartinn og fara í afmæli til hans Jasonar sem var 4 ára í vikunni :)

Sem sagt ekkert annað skemmtilegt að frétta hjá mér.......

Ciao e a presto* Tinna

Búin í vettvangsnáminu!

Thu, 07 Dec 2006 17:57:51 GMT

Jæja þá er ég búin í þessu sjö vikna vettvangsnámi, þetta var mjög fljótt að líða en rosalega mikið að gera. Bæði verkefni í vettvangsnáminu og einnig verkefni í öðrum fögum. Núna á ég eftir að fara í tvö próf og skila tveimur ferilmöppum. Önnur þeirra er alveg tilbúin og bíður eftir því að verða skilað og hina á ég eftir að prenta út..... Svo þetta er allt að koma, vika í jólafrí :D Og ég get varla beðið..... Ég er ekki alveg að geta einbeitt mér að próflestrinum:S En það er víst ekkert of mikill tími til stefnu þar sem ég byrja aftur að vinna út á leikskóla í fyrramálið (Loksins launuð vinna aftur) Nú er bara að standa sig í prófunum og svo kemst ég í gott jólafrí, a.m.k. frá skólanum...... Ætla að reyna að halda mig við lesturinn:S

Vettvangsnám..........

Wed, 22 Nov 2006 14:39:03 GMT

Jæja langt síðan ég skrifaði eitthvað síðast! En það er búið að vera svo mikið að gera síðustu vikur að ég hef ekki haft tíma.

Það sem er helst að gerast hjá mér núna er náttúrulega vettvangsnámið mitt. Er á leikskólanum Hlaðhömrum hér í Mosó á mjög skemmtilegri deild fimm ára barna. Núna er fimmta vikan að klárast og allt gengur mjög vel:) Er með stórt könnunarverkefni í gangi og gengur það bara alveg glimrandi vel :D Krakkarnir eru alveg rosalega duglegir svo þetta er voða gaman. Þar sem verkefnið fjallar um dýr og hver hópur valdi sér sitt dýr þá fórum við í Húsdýragarðinn á mánudaginn :) Það var mjög gaman og sáum við m.a. 10 splunku nýja jólagrísi ;) Einnig nartaði nautið Týr aðeins í hettuna mína þegar ég snéri baki í hann til að taka myndir af krökkunum. Þið getið ímyndað ykkur hvað mér brá ;) hehe
Svo sáum við þegar selunum var gefið og var skemmtilegt að sjá það. Krakkarnir slógu manninn sem gaf þeim að borða alveg út af laginu þegar þeir spurðu hann hvernig selirnir geta átt kópana ;) hehe hann náði sér nú aftur og gat svaraði þeim:)

Svo er hundahópurinn búinn að koma hingað heim í heimsóknn til að hitta hann Funa:) Funi heillaði þá svo mikið að þeir vildu taka hann með sér aftur upp á leikskóla.

Sem sagt mikið fjör í vettvangsnáminu, en bara tvær vikur eftir og svo próf og verkefnaskil:S Svo get ég farið aftur í vinnuna og fengið laun og svo er stefnan sett á Salerno Ítalíu :D :D :D

Annars ekkert meir að frétta hér................

Ciao e a presto*

Skólafjör;)

Tue, 17 Oct 2006 21:18:07 GMT

Það er greinilegt að ég er alltaf jafn dugleg að blogga eftir að ég kom heim;) Ástæðan er bæði sú að það er ekkert spennandi að gerast og svo er ég svo miklu meira busy hérna heldur en úti!!! En sem sagt núna er innilota í skólanum, sem þýðir það að ég byrjaði í skólanum í gær, var í dag, verð á morgun og á fimmtudaginn..... Í þessum innilotum keppast kennararnir um að fræða okkur eins mikið og þeir geta um alveg hellings efni..... Þannig að það er nóg að gera þessa dagana... Einnig er ég á fullu að reyna að undirbúa mig fyrir vettvangsnám í næstu viku, þá fer ég að vinna á öðrum leikskóla í 7 vikur, þar sem ég á að vinna með könnunaraðferðina (Sem by the way ég hef aldrei unnið með áður) Og þar að auki á ég að halda fundi í sambandi við hana og stjórna hinum á deildinni! Spennó;) Það er líka í nógu að snúast í hinum fögunum sem ég er í, svo maður reynir bara að vera duglegur :) Einn áfanginn minn er myndmennt og er verklega vinnan mjög fín (Vildi að það væri bara verkleg vinna), það er nebbla ekki eins gaman að skrifa greinagerðir og skrifa ferlimöppu um allt sem við gerum:S Annars var ég að búa til pappír í dag:) Voða gaman:) Annars er bara búið að vera nóg að gera, við Manu kíktum til Akureyrar um daginn og gistum þar í eina nótt. Alltaf gaman að koma þangað. Kannski maður fari að undirbúa morgundaginn........ Heyrumst*

Mikið að gera:)

Sat, 30 Sep 2006 13:22:11 GMT

Hér er allt búið að vera á fullu:) Tengdó eru búin að vera hérna í 9 daga og eins og allir vita er búið að vera frábært veður:) Við erum búin að gera ýmislegt, t.d. fara upp í sumó þar sem við sáum norðurljósin dansa, á Þingvelli, á Gullfoss og Geysi og yfir Kjöl, þar sem við fórum upp í Kerlingafjöll og gistum svo á Hveravöllum. Svo var ferðinni heitið í Skagafjörð, þar sem við fórum í heimsókn í Djúpadal (sveitabær) og svo fórum við að veiða í Svartá í Svartárdal.
Þar veiddi Manu maríulaxinn sinn :) á flugu.... Þannig að núna er hann kominn með veiðidelluna;)

Hérna í bænum erum við svo búin að bralla ýmislegt, labba niðri í miðbæ, fara í Smáralindina og fara í pulsuvagninn niðri í bæ:)
Eigum bara eftir að fara í Bláa Lónið og það verður væntanlega gert á morgun.

Í gær varð pabbi 50 ára:) Til hamingju með það :) Og mamma og pabbi héldu upp á 100 ára afmælin sín í Laugardalnum. Mikið stuð og hellingur af fólki....

Sem sagt búið að vera mikið stuð á okkur:)
Tengdó fara svo heim á mánudagsmorgun og þá tekur við mikill lærdómur hjá mér, þarf að vinna upp allt það sem ég lét sitja á hakanum seinustu viku:S

Já verð náttla að minnast á það líka að Edda mín er komin heim :) Og verður bara alveg heillengi:) Ég er alveg rosalega ánægð með það :)

Ok... Erum að fara að snúast e-d........ Svo nóg í bili

Ciao Tinna*

Lítil Prinsessa :)

Mon, 04 Sep 2006 17:05:50 GMT

Ég ætla að byrja á því að óska Láru og Gústa innilega til hamingju með litlu prinsessuna sem fæddist í seinustu viku :)

Hjá okkur er allt gott að frétta, bara nóg að gera..... Bæði í vinnunni og svo í skólanum, þ.e. nóg að lesa :S
Manu líkar mjög vel í vinnunni :) Svo það er bara allt í orden hjá okkur :)

Nú fer að styttast í að tengdó komi í heimsókn :) Rúmar 2 vikur í þau og þá verður ýmislegt skemmtilegt gert, m.a. farið norður í veiði ;)

Ok. Ætla bara að hafa þetta stutt, þar sem ég verð að þjóta út í bókasafn og finna einhver gögn fyrir verkefni sem ég á að skila á föstudaginn........... Já maður er sko strax farin að gera verkefni og samt bara 2 vikur búnar af önninni :S

Ciao Tinna

Bara að vinna!!!!

Tue, 15 Aug 2006 21:59:35 GMT

Já ég er víst ennþá á lífi..... Það gerist bara minna hérna hjá manni heldur en úti á Ítalíu, þannig að ég hef frá voða litlu að segja..... Svo er maður líka í meira sambandi við alla hérna þannig að fólk þarf ekki að kíkja hingað inn til að fá fréttir af mér....

Annars er það að frétta að Manu er kominn :D Reyndar búinn að vera heillengi svo það er ekkert nýtt;)
Við erum búin að vera að vinna í því að standsetja herbergið okkar, svo núna er það ekkert smá flott:) Allir velkomnir í heimsókn ;)

Fimmtudagurinn verður sorgardagur hjá mér!!!! :cry: Edda mín er að flytja til útlanda :cry: Allt honum Ísleifi að kenna :klikk: hehe..... Skil ekkert í þeim að hafa ekki flutt út seinasta vetur, gengur ekki alveg að vera að fara svona í burtu þegar við Manu erum svona nýflutt heim..... En það eina góða við þetta er að nú getum við skellt okkur í heimsókn til þeirra :) Við verðum víst bara að stefna á það :D Annars á þetta pottþétt eftir að verða frábært hjá þeim og auðvitað er ég ánægð fyrir þau, þótt ég gráti í laumi :cry:

Já og svo er skóli í næstu viku hjá mér, svokolluð staðlota... Og þegar hún er búin þá tekur bara við 80% vinna og 75% nám eða rúmlega það þar sem ég er að fara að taka eitt fag aukalega...... Sko dugnaður í minni ;)
Sem sagt sé fram á langan og strangan og fátækan vetur......

Bæjó Tinna

50 Ára

Thu, 27 Jul 2006 16:31:58 GMT

Mamma er 50 ára í dag:)

Til hamingju með afmælið elsku mamma mín :)

Komin heim til Íslands :)

Sun, 23 Jul 2006 12:06:37 GMT

Kom heim á föstudagskvöldið :) Ferðalagið gekk vel, beið í um 7 tíma á flugvellinum í London, en sú bið var ekki lengi að líða þar sem ég sat úti í góða veðrinu ;) Var 30 stiga hiti og sól 8)

Í gær fór ég svo aðeins upp í sumó að hitta pabba og Funa :) Og bauð mér svo í mat til Helgu og Bunda í gærkvöldi ;)

Á morgun hefst svo gamanið, byrja að vinna upp á leikskóla :)

Annars er bara planið að reyna að njóta þess sem eftir er að sumrinu, svo það er eins gott að þetta veður haldist e-d áfram, má jafnvel koma meiri sól ;)

Kv. Tinna

Seinasta vikan.......

Sun, 16 Jul 2006 11:26:02 GMT

Jæja þá fer að líða að því að Ítalíudvölin sé búin í bili, kem nefnilega heim næsta föstudag :)

Hér er nóg að gera.... Vito tengdapabbi varð sextugur á fimmtudaginn og var smá veisla í tilefni dagsins:)
Á föstudaginn keyrðum við svo hingað til Rutigliano:) og erum hér enn:D
Erum að sækja dótið hans Manu og ýmislegt sem við skildum eftir hérna í vor.... Svo erum við búin að kíkja á útsölurnar hér, búin að fara í Auchan og líka í miðbæinn í Bari..... Reyndar ekki mikið úrval, aðalega bara e-d drasl... En erum þó búin að kaupa smotterí....

Verð víst að þjóta núna, þar sem við erum að fara í hádegismat til frænda og frænku :)

Ég bið því bara að heilsa í bili og hlakka til að hitta ykkur á Íslandi :D

Ciao...... Tinna

ÍTALÍA HEIMSMEISTARAR :)

Mon, 10 Jul 2006 12:19:43 GMT

Vááááááááááááááááá............................ Er það eina sem ég get sagt;)

Þvílík stemming í gær:) Eins og örugglega allir vita, þá urðu Ítalir heimsmeistarar í gærkvöldi eftir að hafa unnið Frakkland :D

Við Manu komum heim frá Casalvelino í gærkvöldi og akkúrat þegar við löbbuðum inn byrjaði leikurinn..... Ég rétt gat skellt mér í ítalska búninginn.....;)
Horfðum sem sagt á leikinn öll familían hér, með fána út á svölum og lúður við hendina...... Á neðstu hæðinni hérna í blokkinni var búið að setja sjónvarpið út á bílastæðið og fólk búið að koma sér vel fyrir..... Skotið var upp flugeldum og mikil stemming.... Samt ekkert miðað við eftir leikinn!!!!

Þegar í ljós kom að Ítalía hafði unnið, þá hringdi frændi hans Manu í okkur og bað okkur að koma niður í bæ að fagna, sem var reyndar alltaf planið.... Fórum sem sagt öll fjölskyldan og fjölskylda frændans.

Thvílíkt kaos........... Var umferðarstappa, allir á leiðinni niður í bæ.... Veit ekki alveg hvernig ég á að lýsa stemmingunni..... Allir bílar voru með a.m.k. 2 fána út um gluggann, allir lágu á flautunni, fólk var syngjandi og dansandi á götunum.... Skotið var upp flugeldum...........
Allir bílar voru vel fullir af fólki... sumir bílar með opið skottið og fólk sat sem sagt þar.... Stórir vörubílar með pallinn fullan af fólki.... Hafa örugglega verið um 50 manns aftan í einum sem ég sá...... Svo sat fólk upp á þaki á sumum bílunum, eða sat eða stóð út um gluggann......

Við lögðum bílnum langt frá miðbænum og löbbuðum í bæinn..... Eða bárumst eiginlega áfram með fólksfjöldanum.... Ef fólk var ekki með fána, þá var það í ítalska búningnum eða jafnvel klætt í föt í fánalitunum.... Sumir voru meira að segja búnir að mála bílinn sinn í fánalitunum.... Eða vefja bílinn inn í fána..... Nú eða sjálfan sig....

Ég hef allavega ekki upplifað aðra eins stemmingu......ÓTRÚLEGA GAMAN :) Frænka hans Manu sagðist vera búin að bíða eftir að upplifa þetta í 24 ár, en svo hafi ég bara verið búin að vera hér í ár og upplifað þetta;) hahaha

Tókum slatta af myndum, er ekki ennþá búin að skoða þær vel svo ég veit ekki alveg hvernig þær komu út.... Ef þið viljið sjá þær, þá getið þið bara komið og kíkt á þær þegar ég kem heim;)

FORZA ITALIA................ :) :) :)

Ciao Tinna

Ítalía komin áfram í átta liða úrslit

Tue, 27 Jun 2006 22:05:32 GMT

Hér á Ítalíu var mikil gleði í gær eftir að leiknum við Ástralíu lauk..... Ítalía spilaði reyndar mjög illa og átti Ástralía frekar skilið að vinna.... En þvílík heppni.... Vítaspyrna og Totti skoraði á 94 mínútu leiksins.....:)
Eftir það byrjuðu bílar að flauta úti á götum og þegar við fórum út voru margir búnir að festa fána í bílana sína og sumir héldu á fánum á vespunum sínum.... Mikil stemming og allir voða glaðir:)
Já og svo voru náttla margir búnir að hengja fána á svalirnar sínar áður en HM byrjaði þannig að Salerno er skreytt ítalska fánanum......

Annars er allt það sama að frétta hér..... Hitinn hefur hækkað og er næstum 40 gráður ásamt miklum raka.....:S Í fréttunum var börnum og eldra fólki ráðlagt að halda sig innandyra...... Þessi mikli hiti kemur víst frá Afríku en á föstudag á að koma kaldara loft frá Balkansskaga.......(Er sko alveg farin að skilja veðurfréttirnar) ;)

Núna bíð ég bara spennt eftir að komast annað hvort til Rutigliano eða til Casalvelino... svo ég geti nú loksins farið að njóta sólarinnar..... Er ekki alveg ákveðið hvert við ætlum að fara fyrst, en stefnum á það að fara á föstudaginn, en kannski laugardaginn, þar sem Ítalía keppir á móti Úkraínu á föstudagskvöldið.... Kemur allavega allt í ljós á næstu dögum...

Nóg í bili....... Bæjó*

Er alveg að kafna úr hita!!!

Thu, 22 Jun 2006 17:17:00 GMT

Hér í Salerno er allt gott að frétta :) Reyndar er búið að vera mjög heitt síðustu daga, um 35 gráður og líka raki, sem gerir þetta enn verra......

Mamma, amma og Villi fóru heim í gær eftir frábæra 10 daga :D Veðrið meðan þau voru hér var fínt, um 28 gráður og sól alla daga.... Þannig að við höfðum það bara gott á ströndinni og kíktum í stuttar ferðir nálægt sumarhúsinu.

Ég kem svo heim eftir mánuð og Manu fljótlega eftir það..... Þangað til er ýmislegt í gangi hjá okkur, förum til Bari og aftur til Casalvelino og svo þarf Manu að fara í nokkur próf....

Sem sagt allt fínt að frétta héðan úr hitanum:)

CIAO TINNA